Maysa ti natay iti napasamak nga aksidente idiay Barangay Turod, Narvacan, Ilocos Sur a nakairamanan ti dua a motorsiklo ken maysa traysikel.
Ti traysikel ket minaneho ni Pablo Calpito Ragudo, agtawen iti limapulo ket dua, inluganna da Cristina Pura Rindon, agtawen iti duapulo ket walo, ken ti maysa a babai nga agtawen iti sangapulo ket pito, agpada a taga-Barangay Pantoc, Narvacan.
Ti drayber ti XRM motorcycle ket ni Chino Abad Abehay, taga-Barangay Marozo, Narvacan.
Ti met drayber ti Yamaha Mio 125 ket ni Alexis Canero Escobar, agtawen iti duapulo, backride na ti maysa nga agtawen iti sangapulo ket lima, agpada a taga-Abuor, Narvacan.
Agpapalaud ti traysikel ket idi magtengna ti rangtay, inagaw ti linya ti drayber ti XRM ti linya ti traysikel isu a naguyas iti kalsada, idinto a ti met sumarsaruno a Mio ket pinadasna a lisyan ti XRM ngem naawanan iti kontrol isu a natwangda.
Naitaray iti ospital dagiti karaman iti aksidente ket naideklarar a dead on arrival ti drayber ti XRM motorcycle.
