3 ti nadunor iti napasamak nga aksidente iti Barangay Mantanas, Sta. Cruz, Ilocos Sur a nakairamanan ti maysa a Multi-Purpose vehicle ken 2 a motorsiklo.
Karaman iti aksidente ti maysa a Suzuki scooter a minaneho ti maysa a lalaki nga agtawen iti uppat a pulo ket maysa, taga-Barangay Libtong, Tagudin, backrider-na ti maysa a lalaki nga agtawen iti limapulo ket innem, taga-Barangay Quirino, Tagduin.
Ti Toyota Avanza ket minaneho ti maysa a lalaki nga agtawen iti uppat a pulo ket lima, taga-Barangay 42 Apaya, Laoag City, Ilocos Norte.
Ti met Suzuki Raider 150 ket minaneho ti maysa a lalaki nga agtawen iti duapulo ket innem, taga-Barangay Nalvo, Sta, Maria, backrider-na ti lalaki nga agtawen iti duapulo ket innem, taga-Barangay Poblacion Esteban.
Naggapu iti daya ti scooter a nagikko ken bimmallasiw iti highway idi nadungpar daytoy ti agpapa-amianan nga MPV.
Gapu iti impact, naipurwak ti scooter ket nadungparna ti Raider nga agpapa-amianan met laeng.
Nadunor ti drayber ken backrider ti scooter agraman ti backrider ti Raider idinto a saan a naan-ano ti drayber ti MPV.
Naipaagasda iti ospital para iti naan-anay a pannakatamingda.
