Tallo ti nadunor iti aksidente a napasamak iti national highway idiay Barangay Labut Norte, Santa, Ilocos Sur a nakairamanan dagiti tallo a motorsiklo.
Ti Yamaha Aerox ket minaneho ni Robin John Brix Blanco Ngat, agtawen iti duapulo ket lima, taga-Camarao, Narvacan.
Ti met Euro a motorsiklo ket minaneho ni Dominador Cachola Advincula, agtawen iti innem a pulo ket maysa, taga-Barangay Labut Norte.
Minaneho met ni Alexon Jan Pascua Adolacion, agtawen iti duapulo ket maysa, taga-Barangay Margaay, Narvacan ti Mio Sporty a motorsiklo.
Agpapa-abagatan ti Aerox ket idi nagtengna ti nakapasamakan ti insidente ket nadungparna ti bimmallasiw ti Euro nga awan ti head ken tail light-na.
Ti met agpapa-abagatan a Mio ket nadungparna ti Euro isu a naawanan iti kontrol iti manibela ket naidarusdos iti kalsada.
Gapu dayta, nadunor ti nadumaduma a paset ti bagida dagiti tallo a drayber a naipaagas iti ospital para iti naan-anay a pannakatamingda.
