VIGAN CITY – Awan iti pudno a nagan nga inted dagiti nakemmeg a nagiserrek iti baboy ditoy probinsia a nasalamaan idi agsapa idi kalman idiay Brgy. Bitalag, Tagudin kas pinasingkedan ni Provincial Quarantine Officer Martel Quitoriano.
Ti pannaki-uman ti Bombo Radyo Vigan kenni Quitoriano, patien na a nabilin laengti driver ken pahinante iti lugan a nagkarga ti baboy a maparti a nasalamaan da ta saan da nga inpudno nu siasino iti akinkukua dagiti dua pulo ket lima a baboy a maipan koma idiay Sta Cruz.
Nabigbig iti nagmaneho ti elf truck a nagkarga ti baboy a ni Marjo Bugtong Morales, agtawen ti dua pulo ket uppat, baro ken ti kaduana a ni Mariano Pucti Licnad, agtawen ti innem a pulo ket pito, naasawaan nga agpada nga agnaed idiay Brgy. Man-atong, Suyo.
Idi nagsaludsod dagiti otoridad kadagiti dua, nangidukit da iti nagan ngem idi in-verify da, naduktalan a palso a nagan wennu impormasyon iti inted da.
