Saan laeng nga iti commercial wenno business industry ken education industry a maar-aramat ti artificial intelligence, no di ket uray iti simbaan ta iti St. Peter’s Church idiay Lucerne, Switzerland ket nangikabilda iti AI-powered Jesus Christ.
Naawagan a “Deus in Machina”, naikabil iti confessional booth iti uneg ti simbaan.
Dagiti mapan iti confessional ket masiripda iti unegna ti screen a pakakitaan iti avatar ni Hesukristo a kasla hologram.
Ti AI-powered Jesus ket nai-program babaen iti theological texts, a ti paggapgapuan dagiti sungbatna ket manipud kadagiti makipatang.
Verbal ti pannakipatang ti daytoy nga AI a makasao iti sangagasut a lenguahe ta dagiti bisita ket aggapu iti nadumaduma a pagilian.
Nailawlawag met kadagiti bisita nga AI-generated ti makapatangda isu a saanda a nasken nga agkumpesar ken agited iti personal information.
