VIGAN CITY – Agtultuloy ti panangawat ti Ilocos Sur National High School kadagiti kayat na ti agadal iti Alternative Learing System – Balik Paaralan Para sa Out of School- Adult.
Ti laeng alaen dagiti kayat na ti dumalan iti nasao a programa ket 1×1 ID picture ken birth certificate a naggapu ti Philippine Statistics authority (PSA).
Dagiti mabalin a sumrek iti nasao a programa ket dagiti agtawen iti sangapulo ket innem agpangato a nagsardeng iti panagadal da ngem kayat da manen nga ituloy.
Kabayatanna, idi June 1, naisayangkat ti kaunaan a Parent- Teachers General Assembly iti nasao a pagadalan idiay ISNHS Centennial Gymnasium ket natratar iti pannakaisayangkat ti shifting ti schedules para ti Grade 9 ken Grade 10 gapu ti kinaadu dagiti enrollees iti pagadalan ken dagiti naduma-duma a programa ken pagannurutan iti pagadalan.
