Natay ti maysa nga agatwen iti sangapulo ket tallo a Grade 9 student kalpasan a binagsol ti kaadalan na nga agtawen ti sangapulo ket uppat iti uneg ti Las Piñas National High School idiay Barangay Daniel Fajardo, Las Piñas City.
Segun iti Southern Police District ken ti statement ni Las Piñas acting police chief Fermin Armendarez III, napasamak ti insidente iti sangoanan ti maysa a classroom iti maika-uppat a kadsaaran ti nadamakat a pagadalan.
Naaddaan ti riri dagiti dua bayat iti oras ti recess-da no sadino kellaat nga immasot ti patadem wenno kutsilyo ti suspek ket induyok na daytoy iti kannigid a paset a ti barukong ti biktima.
Dagus a naitaray ti biktima iti balay pagagasan ngem saan a nakalasat.
Agtultuloy ti imbestigasion dagiti pannakabagi ti linteg no ania ti motibo ti insidente.
