Nadunor ti maysa nga estudyante ta binagkong ti maysa a menor de edad idiay Barangay Tamurong 2nd, Candon City, Ilocos Sur itay parbangon, June 17, 2026.
Ti biktima ket lalaki nga agtawen iti sangapulo ket walo, nga agnaed idiay Tamurong 2nd, Candon City.
Ti met suspek ket agtawen iti sangapulo ket pito nga agnaed idiay Barangay Caterman, Candon City.
Segun ti witness, agbuybuya ti games ti biktima iti maysa a natayan idin simmangpet ti suspek ket kellaatna a sinipat ti abaga ti biktima isu a bimmales ti biktima ket dinanogna ti suspek ngem isu metten ti panangasot ti suspek ti mapapati a kutsilyo iti sikiganna ken induyokna iti barukong ken akin-kannigid nga ima ti biktima.
Gapu dayta ket naipan ti biktima iti Candon Hospital para iti pannakatamingna.
Naglibas ti suspek kalpasan ti insidente ket iggemna a pimmanaw iti mapapati a kutsilyo a naaramat iti krimen.
Agtultuloy iti hot pursuit operation dagiti kameng ti Candon City Police Station para iti posible a pannakakemmeg ti suspek.
