Nakigtot dagiti agasawa idiay Florida, United States kalpasan a naduktalanda a saan nga isuda ti biological parents ti maladaga nga impasngayda kalpasan a dimmalan ti IVF wenno In Vitro Fertilization.
Da Tiffany Score ken Steven Mills ket nagpa-IVF tapno maaddaan ti anak ngem kalpasan a napansinda a saan a maipada ti puli ti anakda kadakuada ket indalanda ti DNA test ket rimmuar a sabali ti pudno a genetic parents ti maladaga ta nagkamali ti fertility clinic.
Madi nga embryo ti naipan ken ni Tiffany nga isu ti nagsikog ken nangipasngay iti maladaga. Gapu dayta ket sumangsango dagiti dua a pamilia iti komplikado a patangan maipanggep iti panangpadakkel iti maladaga.
Ngem naaddaanda ti tulagan, agtalinaed iti sidong da Tiffany ken Steven ti maladaga idinto nga adda met iti tulagan para iti biological parents-na.
