Pinasingkedan ni Alliance of Concerned Teachers (ACT) nga awan serbi ti panangpadayaw ken panangikari a prayoridad iti edukasion ni Presidente Ferdinand Marcos Jr. no saanna a sabayan ti konkreto nga addang kas ti panagngato ti entry-level salary dagiti mangisursuro iti P50, 000.
Daytoy ti nagbalin a sungbat ti ACT iti nagbalin nga statement ni Presidente Marcos iti ‘RISE in Service’ oath taking ceremony iti salinong ti Expanded Career Progression program.
Segun ken ni ACT Chairperson Ruby Bernardo, nabayagen a mangmangeg dagituy a panangpadayaw ngem agtaltalinaed met latta a nababa ti suweldo-da.
Nagpanawagan ti grupo ken Marcos nga ipakita ti husto a panangipateg babaen iti panang-apruba ti gakat a P50, 000 entry level salary kas ti naited kadagiti pulis ken dadduma pay a uniformed personnel.
