
--Ads--
Nagturong idiay Malaysia ti Gilas Pilipinas tapno agsagana para iti Fifth Window ti International Basketball Federation (FIBA) Basketball World Cup Asian Qualifiers.
Dagus a nagsanay ti grupo, pakairamanan da Kai Sotto, Kevin Quiambao, Scottie Thompson, Cjay Perez, Troy Rosario, Chris Newsome ken Juan Gomez de Liano, bayat nga aggapo met idiay Japan da AJ Edu, Mike Phillips ken Quentin Millora-Brown.
Makipaset met iti sumarsaruno nga aldaw ni Beannie Boatwright gapu kadagiti panagkumitna iti Chinese ballclub, bayat a patien ni coach Tim Cone nga umdasen ti innem nga aldaw tapno agsagana ti grupo ken maawatan ni Boatwright ti sistema ti ay-ayam.
Sanguen ti Gilas Pilipinas iti Syria inton Nobiembre 27 ken Iran inton Nobiembre 29.
-- ADVERTISEMENT --










