
--Ads--
Natay ti 15 a tattao ken nasurok 180 ti naitaray iti ospital kalpasan ti panaginumda ti mapapati a narugit nga arak iti amianan a daya nga estado ti Manipur, India.
Pinasingkedan ni Chief Minister Yumnam Khemchand Singh dagiti natay ken pannakayospital iti napalabas nga 48 nga oras kalpasan ti insidente.
Imbilin ni Singh ti imbestigasion ken inkarina nga arestuenna ken dusaenna dagiti responsable iti panaglako iti arak.
Gagangay idiay India ti ipapatay gapu iti peke nga arak a mabalin nga addaan iti methanol ken makalason a kemikal a mabalin a pakaigapuan ti panagbulsek, pannakadadael ti dalem ken ipapatay.
-- ADVERTISEMENT --










