--Ads--

Umabot laengen iti lima agingga innem a testigo ti manamnama nga isango ti kampo ni Vice President Sara Duterte iti agtultuloy nga impeachment trial.

Segun iti defense spokesperson a ni Atty. Michael Wesley T. Poa., makanay ti nailatang a tallo a lawas a panagdengngeg inton Disyembre tapno maipasango dagiti nabatbati a testigo, kalpasan a tallo kadagitoy ti nakaisalaysayen, ken maysa ti saanen a natuloy.

Sisasagana met ti depensa a mangkissay, mangnayon wenno mangsukat kadagiti testigo depende iti agbalin a taray ti trial ken no adda pay kasapulan a lawlawagan kadagiti immuna a testimonia.

Natalek ni Poa iti maitulong dagiti nabatbati a testigo iti kasoda, ngem impaganetgetna nga adda latta kadagiti senator-judge ti decision iti kredibilidad dagiti salaysayda.

-- ADVERTISEMENT --