
Pormalen a nagtugaw ni Charlito Martin Mendoza kas baro a commisioner ti Bureau of Customs (BOC) ita a Nobiembre 19, 2026, a nangsukat ken ni Ariel Nepomuceno a nadutokan a pangulo ti Bases Conversion and Development Authority (BCDA).
Inkari ni Mendoza nga agtultuloy ti reporma iti nasao nga ahensia, pakairamanan ti digitalization, pannakakissay ti red tape, pannakadalus dagiti rinuker a staff ken pannakapapartak ti cargo clearance ken pannakaproseso dagiti balikbayan boxes.
Impaganetgetna pay ti naing-inget a koordinasion dagiti District Collectors tapno maragpat ti P1.074-trillion revenue collection target ti BOC inton tawen 2027.
Imbilinna pay ti pannakapainget ti kampania kontra iti smuggling, partikular ti illegal a iseserrek dagiti produkto ti agrikultura ditoy pagilian.










