--Ads--

Tallopulo nga agindeg manipud iti San Ildefonso, Ilocos Sur ti nakaawat iti libre a wiring materials manipud iti Ilocos Sur Electric Cooperative (ISECO) kas paset iti programa a ‘Silaw Mo, Sagot Ko’.

Iti pannaki-uman ti Bombo Radyo Vigan ken ni Engr. Arnel Fernandez, kinunana a ti payen ISECO ti mangbaklay iti pannakaikabit ti koriente babaen kadagiti accredited electrician ti barangay tapno masigurado met laeng ti natalged ken de-kalidad nga installation.

Ti nasao nga addang ket programa dagiti Board of Directors ti ISECO manipud kadagiti siam a distrito babaen iti pannakibinnuligda iti LGU-San Ildefonso.

Manamnama nga umabot pay iti 50 inton sumaruno a tawen ti target a mabenepisiaran.

-- ADVERTISEMENT --

Libre ti pannakaipaay dagiti materyales ken installation ngem ti membership fee a P5 ken ti binulan a konsumo ket isunton ti maipabaklay kadagiti benepisyaryo.