--Ads--

Nadunor dagiti dua a lallaki kalpasan a naidungpar iti maysa a fruit stall ken kongreto pader iti igid ti National Highway iti Barangay Laslasong West, ili ti Sta. Maria.

Nabigbig dagiti biktima nga agtawen iti 22, agnanaed iti Barangay Suso, Sta. Maria, ken ti back ride-na nga agtawen iti 26, agnanaed iti Barangay Ag-agrao, iti met laeng nasao nga ili.

Maibasar iti inisial nga imbestigasion, agpapaamianan a direksion ti motorsiklo idi napukaw ti kontrol ti driver a mapapati a nakainum iti arak ken saan a nasayaat ti panagmanehona sakbay a nadungpar ti bakante a fruit stall ken ti asideg a kongkreto a pader.

Agpada a nadunor ti driver ken ti back ride-na iti nadumaduma a paset ti bagida ken dagus a naitareay iti balay pagagasan para iti naan-anay a pannakatamingda.

-- ADVERTISEMENT --

Kabayatanna, nadadael met ti motorsiklo nga addaan iti saan pay naikeddeng a gastos iti pannakatarimaan ken naipan iti Sta. Maria Municipal Police Station para iti maitutop a disposision.