--Ads--

Palawaen ti Pilipinas ti merkado dagiti produktona iti agrikultura kalpasan ti bilateral talks iti Brazil ken Canada iti 49th Association of Southeast Asian Nations (ASEAN) Summit and Related Summits.

Segun ken ni Agriculture Secretary Francisco Tiu Laurel Jr., karaman ti tabako, ikan, sardinas, tuna, lames ken ube kadagiti posible a mai-export iti Brazil.

Napagsaritaan pay ni Brazilian President Luiz Inácio Lula da Silva ti 60-day ban iti sumagmamano nga imported pork products, idinto nga inyebkas ti Brazil ti pannakaawatda iti addang ti Pilipinas a mangsalaknib kadagiti agtartaraken ti baboy.

Ti free trade agreement iti Canada ket manamnama a makatulong a mangpalawa iti exports ti mangga, durian ken mangosteen ken mangparang-ay iti modernisasion ti sektor ti agrikultura babaen ti teknolohia.

-- ADVERTISEMENT --