
--Ads--
Nangipaulog ti Land Transportation Franchising and Regulatory Board (LTFRB) iti show-cause order kontra kadagiti modern jeepney operators gapu iti maipagarup a panangsingirna kadagiti pasahero iti nalabes a plete.
Napaayaban ti operator iti hearing tapno ilawlawagda no apay a saan a rumbeng a masuspende wenno makanselar ti prangkisada gapu iti insidente.
Masingir ti operator iti P5,000 no saan nga agparang iti hearing, bayat a madama pay ti imbestigasion tapno maammuan no imbilinda iti konduktor a mangsingir iti nasursurok ngem ti naituding a plete.
Nagtaud ti imbestigasion iti viral video a nasingir dagiti pasahero iti P25 para iti tallo a kilometro a panagbiahe imbes a ti kababaan a plete a P17 iti umuna nga uppat a kilometro.
-- ADVERTISEMENT --










