
Impaay ti Department of Energy (DOE) ti 72 nga oras kadagiti estasion ti gasolina a saan a nangipatungpal iti umiso a pannakakissay ti presio tapno mailawlawag ti dasigda.
Segun kenni DOE-OIMB Director Rino E. Abad, sumagmamano kadagiti rason ti panaggasolina ket ti nangipangato a presio nga impabaklay kadakuada dagiti mother oil companies-da gapu ta nailako dagiti produkto nga ilaklakoda idi napan a lawas.
Inlawlawag ni Abad nga adda dagiti gundaway a nalaklaka a gatangen ti suplay dagiti gasolinaaan ngem ilakoda latta iti nangatngato a presio, kas iti mapaspasamak no adda panagbaba ti presio ti petrolyo.
Gapu iti daytoy, makikoordinar ti DOE kadagiti legal a serbisiona tapno adalen ti nadakamat a sistema ken siguraduen a patas ti pannakaipatungpal ti price rollback, kas iti dagus a pannakaipatungpal ti panagngato ti presio no adda panagngato ti presio ti petrolyo.










