--Ads--

Agturong ni Presidente Ferdinand Marcos Jr. iti China kaduana dagiti dadduma pay a lider iti lubong kalpasan ti Association of Southeast Asian Nations (ASEAN) Summit sadiay Manila tapno tumabuno iti miting dagiti Asia-Pacific Economic Cooperation (APEC) Economic Leaders.

Manamnama a makisarita ti Presidente iti sumagmamano a nabileg a lider ti lubong iti nasao a panagtitipon.

Kinuna ni Philippine Ambassador to China Jaime Florcruz a napateg ti pannakipaset ti Pilipinas iti diskusion kadagiti dadakkel nga ekonomia iti lubong.

Posible met a pagsasaritaan ti sumagmamano a lider ti pannakaibaba ti taripa ken pannakapauneg ti relasion ti Pilipinas iti panagtagilako kadagiti dadduma a pagilian.

-- ADVERTISEMENT --