--Ads--

Insalaysay ni Dr. Roel Anicas ti biag ken historikal a panagdaliasat ni dati a Presidente Elpidio Quirino kas paset ti pananglaglagip iti maika-136 nga anibersario ti pannakayanakna iti probinsia ti Ilocos Sur.

Naipamaysa ti diskusion iti pannakaipasngay ni Quirino iti siudad ti Vigan idi Nobiembre 16, 1890, ken ti nasapa a panangrugina iti serbisio kas mannursuro iti eskuelaan publiko idi agtawen iti 16.

Imbingayna pay ti panagdaliasatna iti tay-ak ti politika ken serbisio publiko manipud iti panagbalinna a pannakabagi ken senador agingga iti pannakabutos a bise presidente ken idi agangay nagbalin a maikanem a presidente ti Pilipinas idi 1948.

Naitampok met dagiti karit a sinaranget ni Quirino bayat ti panagtakemna, partikular ti pannakabangon manen ti pagilian kalpasan ti World War II, a nagbalin a paset ti napateg a tawidna iti pakasaritaan ti Pilipinas.

-- ADVERTISEMENT --