Nagyaman ti Regional Office ti Department of Health (DOH) iti Bombo Radyo gapu ta nagbalin da a paset ti Nationwide Bloodletting Activity idi kalman, November 14.
Iti pannakiuman ti Bombo Radyo Vigan ken ni Mauro, Marzan, regional blood program manager, pinasingkedanna a ti panagidonar ti dara ket maysa a simple a banag a dakkel ti tulong na kadagiti agkasapulan.
Pinasingkedan ni Marzan a masya kadagiti napateg a benepisio iti panagidonar ti dara ket maammuam no adda met laeng iti bagim ti nasayaat a kasasaad.
Maragsakan dagiti nangibagi ti DOH-regional office ti gundaway a karaman da iti nadakamat nga aktibidad, nga agserserbi a dalan tapno maipakaammo ti kinapateg ti boluntario a panmagidonar ti dara.
Kagiddan daytoy, inallukoy na ti publiko a makikaysa iti sumarsaruno pay nga blood letting activity ti Bombo Radyo Philippines.
