--Ads--
Nairekord ti Department of Agriculture (DA) ti dandani 20% a panagpangina iti presio ti sumagmamano a nateng, pakairamanan ti tarong, kamatis, kalamansi, carrots ken repolio, bayat nga umas-asideg ti panawen ti Paskua.
Segun iti DA, daytoy ket gapu iti panagbaliw ti panawen ken suplay dagiti produkto ti agrikultura, nupay agtalinaed a natalged ti presio ti kaaduan a tagilako.
Iti sabali a bangir, impanamnama ti ahensia a paingeten da ti panang monitor da kadagiti merkado ken kadagiti mannalon tapno mataginayon ti umdas a suplay ken malapdan ti nalabes a panagngato ti presio.
