Nangisayangkat ti Sandiganbayan Third Division iti ocular inspection iti Quezon City Male Dormitory a nakaibaludan ni dati a House Speaker Martin Romualdez, a sumangsango iti ₱7.44-billion plunder case a mainaig kadagiti proyekto ti imprastruktura ti gobierno.
Indauluan da Associate Justices Karl Miranda ken Fritz Bryan Anthony Makasiar Delos Santos ti inspeksion tapno maammuan no agtungtungpal ti pasilidad kadagiti kondision nga inkeddeng ti korte iti orderna idi Setiembre 10.
Naaramid ti inspeksion gapu iti alegasion ni columnist Ramon Tulfo a mapapati a mabalin nga rummuar ni Romualdez iti detention facility usar na ti ambulansia iti ania man nga oras a kayatna.
Nupay kasta, awan ti impaulog ti korte nga aniaman a konklusion maipapan iti daytoy.
Kabayatanna, inwaragawag ni Ombudsman Jesus Crispin Remulla a mangisayangkat pay iti sorpresa a panagbisita iti pasilidad ti BJMP kalpasan ti impormasyon nga adda katulongan ni Romualdez iti uneg ti detention facility.
