Impalgak ni DPWH Programming Division Chief Peter Paul Cortes iti Sandiganbayan hearing idi Nobiembre 9 nga agingga iti 444 a project insertions nga aggatad iti ₱27.43 billion iti 2025 national budget ti nainaig ken ni dati a House Speaker Martin Romualdez.
Segun ken ni Cortes, dagiti proyekto iti nagan da Romualdez ken dati a kongresista a ni Zaldy Co ket nairekord iti database ti DPWH kas proponent, segun iti bilin ni dati a DPWH Undersecretary Maria Catalina Cabral.
Kinuna pay ti opisial a dagiti kasta a proyekto ket saan a karaman iti National Expenditure Program ken Annual Budget Proposal ti ahensia, ken awan met ti naikapet a mangsuporta a feasibility study.
Nupay kasta, inlawlawag ni Cortes nga awan ti personal a pannaka ammo nna no nakaawat dagiti proponent iti kickback wenno komision, idinto a ni laeng Cabral ti maka ibaga no immanamong ni Romualdez a manginaig iti nagan na kadagiti nasao a proyekto.
