Kiniddaw ti defense team ni dati a Presidente Rodrigo Duterte iti International Criminal Court (ICC) nga ikkaten iti listaan ti prosecution ti dua a saksi a nabigbig a kas P-1334 ken P-1348 gapu iti mapapati a kinakurang ti direkta a personal a pannakaammo kadagiti kaso a naipila kontra iti dati a presidente.
Segun iti abogado ni Duterte a ni Peter Haynes, naibasar laeng ti statement dagiti dua a saksi iti hearsay, damag ken impormasion manipud iti social media, partikular ti alegasion a killing quotas, financial rewards ken target lists mainaig iti gubat kontra droga.
Pinasingkedan ti depensa nga awan ti umdas a probative value ti account-da a maaramat kas ebidensia kontra ken ni Duterte gapu ta saanda a personal a naimatangan dagiti mapapati a desision ken operasion.
Kabayatanna, naituding a mangrugi ti hearing ni Duterte iti ICC inton Nobiembre 30, 2026 mainaig iti tallo a kaso a crimes against humanity, idinto a saan pay a nakaaramid ti korte iti desision iti mosion ti depensa.
