Dua kadagiti manamnama a first defense witnesses ni Bise Presidente Sara Duterte ti saan a makaatender iti pannakalukat ti presentasion da iti ebidensia iti impeachment trial inton Nobiembre 9.
Segun ken ni House lead prosecutor Gerville Luistro, nagkedked ni constitutional law professor Ralph Sarmiento nga ag testigo tapno mataginayon ti independensia ken kinaawan panangidumduma, idinto a saan a makaatender ni Atty. Suzette Balucanag-Punay gapu iti naituding nga MRI.
Kas subad, manamnama ti panagparang da Davao City Assessor Jaime Adalin, Samal City Assessor John Kenneth Enumerables ken Matina Crossing Barangay Chairperson Cindy Colina.
Manamnama a lawlawaganda dagiti tax declarations ken mapa dagiti sanikua a naibagbaga ken ni Duterte a kuestionaren ti prosekusion gapu iti saan a panagtutunosda iti Statement of Assets, Liabilities and Net Worth wenno SALN-na.
