Pinasingkedan ni House Prosecution Member at Representative Terry Ridon nga awanen ti espasyo ti kampo ti depensa tapno agaramat ti aniaman a delaying tactic mainaig ti impeachment trial ni Vice President Sara Duterte.
Segun ken ni Ridon, maibilang a pormal a deadline ti iskedyul nga inruar ti Impeachment Court isu kasapulan a pagkanayen ti defense team ti oras da iti panangipresentar dagiti ebidensia tapno sungbatan ti indatag ti prosekusyon.
Immuna nga inruar ti korte ti iskedyul dagiti panagdengngeg para iti intero a bulan babaen ti maysa nga advisory nga adda petsa-na nga Oktubre 13.
Basar iti opisial a dokumento ti impeachment court, nagipasa ti kampo ti depensa ti listaan dagiti 25 a testigo a kayat da nga ipasango iti trial.
Nupay kasta, immunan nga immatras iti umuna kuma testigo a maysa a political ken constitutional law professor a ni Ralph Sarmiento.
