Isingsingasing ni Senate President Sherwin Gatchalian ti panagbalin a linteg ti gakat a mangiparit kadagiti kabagyan dagiti opisial a makaala ti kontrata manipud iti gobierno.
Pinasingkedan ni Gatchalian a saan a masapul a mapan kadagiti kabagyan ti adda iti bileg dagiti oportunidad a pinondoan dagiti Pilipino.
Iti salinong ti gakat, saan a mabalin a makaala ti government projects dagiti kabagyan dagiti sakop nga opisial agingga fourth civil degree of consanguinity wenno affinity.
Karaman dituy dagiti nagannak, anak, kabsat, lolo ken lola, apo, uncle, anti, kaanakan, first cousins ken uray pay dagiti katukad a kabagyan babaen ti kasar.
Sakop ti gakat ti agduduma a kontrata ti gobierno, pakairamanan ti panaggatang ti alikamen ken serbisio, kasta pay dagiti infrastructure projects ken dadduma pay a katulagan a pinondoan ti gobierno.
