--Ads--
Inlawlawag ni Anti-Red Tape Authority (ARTA) Director General Secretary Ernesto Perez nga umdasen ti maysa a valid government ID, nangrunan ti National ID, para kadagiti transaksion kadagiti ahensia ti gobierno.
Inallukoy ni Perez ti publiko nga agpulong iti ARTA no adda ahensia nga agkidkiddaw iti dua a valid ID.
Impaganetgetna a nasken a nailanad iti Citizens Charter ti aniaman a singir iti photocopying services ken naurnos a waiting areas, assistance desks, ken priority lanes para kadagiti senior citizens ken PWDs.
Innayon ti opisial nga agtultuloy nga imonitor ti ARTA dagiti ahensia tapno masigurado ti naurnos, napaspas, ken nagin-awa a serbisio a maawat ti publiko.
-- ADVERTISEMENT --
