Dua a Pilipino a karaman iti 548 a death row inmates a sakup iti plano ni California Governor Gavin Newsom a sukatan ti amin iti sentensia a patay ti tungpal-biag a pannakaibalud nga awanen ti posibilidad iti parole.
Karaman ditoy da Adel Sambrano Ramos, tubo iti San Nicolas, Ilocos Norte, a nasentensyaan ti pannakatay gapu iti panangpapatayna ken ni Sacramento Police Officer Tara O’Sullivan idi 2019, ken Sonny Enraca, a nasentensyaan iti panangpapatay kadagiti dua a lalaki iti Riverside County idi 1994.
Mapapati nga immamin ni Ramos iti kaso a murder idi 2024 ken nasentensyaan iti patay idi June 2025, idinto a pinatibker met ti California Supreme Court idi 2012 ti sentensia ken ni Enraca.
Nupay kasta, kasapulan pay a maala ti clemency plan ni Newsom ti panangapruba ti California Supreme Court sakbay a naan-anay a maipatungpal.
