--Ads--
Pinasingkedan ni Palace Press Officer Usec. Claire Castro nga awan ti pab-paboran ti administrasion iti panangipaay ti pondo ken tulong pinansial kadagiti lokal a gobierno wenno Local Government Units (LGUs).
Daytoy ti sarita ni Castro kalpasan a masaludsod no ania ti makuna ti Malakanyang iti panangbigbig ti sumagmamano nga LGU iti napaspaspas a panagiruar ti pondo para iti komunidad da.
Segun iti opisial, marikna dagiti lokal a lider ti patas a panagkita ni Presidente Ferdinand Marcos Jr iti tunggal rehiyon, probinsia ken barangay.
Innayon pay ni Castro a nalawag ti direktiba ti presidente a siguradoen a makadanon ti tulong ken ayuda kadagiti husto a benepisiaryo.
-- ADVERTISEMENT --
