--Ads--
Inlawlawag ti Philippine National Police nga awan ti namonitor da nga aniaman a seryoso a pangta iti seguridad mainaig iti mapasamak a 2026 ASEAN Summit iti pagilian inton sumaruno a lawas.
Segun kenni PNP Chief Police General Jose Melencio Nartatez Jr., agingga iti agdama ket nababa pay laeng ti lebel ti pangta a marikrikna da ken masuksokisok iti agdama.
Kabayatanna, pinasingkedan ti PNP a saanda nga agpakampante iti baet ti namayat a sitwasion, aglalo ta manamnama ti panagsangpet ti agduduma a lider manipud iti sabali a kameng ti pagilian.
Madaman a makibinbinnulig ti ahensia kadagiti lokal a gobierno ken dadduma pay nga ahensia ti gobierno tapno masigurado ti kinatalged ti nadakamat nga aktibidad.
-- ADVERTISEMENT --
