Insingasing ni Sen. Francis Pangilinan iti Senate Bill 2583 tapno mapapigsa ti Philippine Crop Insurance Corporation (PCIC) ken mapalawa ti insurance protection para kadagiti mannalon ken mangngalap.
Panggep ti nasao a gakat a mapaatiddog ti termino ti korporasion ti PCIC ken masigurado ti agtultuloy a panagandar daytoy iti sango ti pangta ti napigsa nga El Niño a mabalin a pakaigapuan ti nakaro a tikag ken pannakapukaw iti sektor ti agrikultura.
Insingasing pay ni Pangilinan a saklawen ti agricultural insurance ti bagas, mais, high-value crops, livestock, aquaculture, fishery products, agroforestry ken alikamen a mausar iti panagtalon ken panagkalap.
Ikagkagumaan pay ti gakat a mangipaay iti life and accident insurance kadagiti mannalon ken mangngalap tapno mapatibker ti proteksionda kadagiti risgo ken pannakalugi.
