Kayat ni Presidente Ferdinand Marcos Jr. a mapapigsa ti proteksion iti digital systems ken online services iti baet ti umad-adu a pangta iti cybersecurity a mabalin a maka-apekto kadagiti ordinaryo nga umili, mangmangged ken micro, small, and medium enterprises.
Pinasingkedan ni presidente Marcos a napateg a mapapigsa ti cybersecurity gapu iti lumawlawa a digital economy no sadino adu dagiti Pilipino a naka-depende iti internet-based platforms iti panagaramat da ti bangko, komersiyo, edukasion ken dagiti transaksion iti gobierno.
Gapu ti napaspas a panagdur-as ti online transactions ket na-exposed dagiti consumer ken dagiti negosio iti ngumato-ngato a pangta manipud iti cyber threats a posible a mangpakapsot iti kumpiyansa ti publiko iti panagaramat ti digital services.
Paset ti tarigagay ti administrasion ti ad-adu a Pilipino ti agaramat ti online services a saan a makompromiso ti transaksion da kangrunaan iti panagbayad ti bills ken panang-acces kadagiti napapateg a serbisio.
