Imbilin ti International Criminal Court ni dati a Presidente Rodrigo Duterte a pisikal a dumar-ay iti amin nga aldaw ti trial na iti kaso a crimes against humanity a nakatuding a mangrugi inton Nobiembre 30, 20267 idiay The Hague, Netherlands.
Pinasingkedan ni ICC Trial Chamber III Presiding Judge Joanna Korner ti daytoy a bilin iti napasamak a maikalima ken maudi nga status conference ti kaso idi kalman, Nobiembre 2.
Immanamong met ti lead defense counsel ni Duterte a ni Peter Haynes ti bilin ti korte ken impasigurado na a dumar-ay ti kliyente na iti mismo a courtroom iti oras a mangrugi ti trial.
Nupay pinalubosan a saan nga umatendar ti dati a president iti status conference kalpasan nga i-waive na ti karbengan na a makipaset, imbilin ti korte nga obligado isuna a sumango iti inaldaw a trial agingga ti malpas.
Kabayatanna, kinumpirma ni Senior Trial Lawyer ken ICC Prosecutor Julian Nicholls a nasurok-kumurang 29 a saksi manipud iti Pilipinas ti nakatuding a tumestigo babaen iti video wenno audio-visual link.
