Inlawlawag ni Police Colonel Allen Rae Co, hepe ti Public Information Office ti Philippine National Police (PNP), a daan ken nasurok tallo tawenen a naala ti ladawan ni Senador Ronald Bato Dela Rosa kadua tiu sumagmamano nga indibidwal iti maysa a sementeryo nga agwarwaras iti social media.
Ti panangilawlawag ket kasaruno ti panagwaras ti ladawan iti social media ita nga Undas, a nangitunda ti espekulasion a nakita ti senador idiay Digos City, Davao del Sur.
Daytoy ket iti baet ti agtultuloy a panagsapul dagiti otoridad ken ni Dela Rosa.
Maipalagip a sumangsango ti senador ti arrest warrant nga inruar ti International Criminal Court gapu iti maipagarup a crimes against humanity nga adda pakainaiganna iti war on drugs idi napalabas nga administrasion.
