--Ads--
Nagkiddaw ni Senator Kiko Pangilinan ti insigida nga imbestigasion ken pannakadusa kadagiti adda iti likudan ti mapapati a pannakaibelleng dagiti 29 a bangkay ti taraken iti bakante a lote idiay San Jose del Monte, Bulacan.
Kinondenar ti senador ti panangloko dagiti akinkukua iti taraken a nagbayad iti umno para iti pannakaidalan iti cremation dagiti tarakenda.
Itantandudo pay ni Pangilinan ti Senate Bill No. 2501 wenno Dolly’s Act a panggepna a papigsaen ti proteksion ken pagimbagan dagiti amin nga ayop, pakairamanan ti regulasion dagiti pet crematorium. Pinasingkedan ti senador a rumbeng a maikkan dagiti taraken iti nasayaat a pannakaitabon gapu iti panagraem iti ayat ken panagtalek dagiti pamiliada.
