--Ads--
Nagleppas iti maikapito a puesto ni Riannah Chantelle Coleman iti Women’s 200m Breaststroke Final ti Dakar 2026 Youth Olympic Games, kalpasan a nakairekord iti 2:45.70, napaspaspas ngem iti nakurang dua a segundo no ikumpara iti qualifying time-na a 2:47.64.
Iti baet ti kumarkaro a kinabara ti panawen kabayatan ti pannakaisayangkat ti kompetision, impakita ni Coleman ti determinasionna tapno leppasen ti karera.
Dagus met a naikkan isuna iti medical attention kalpasan ti panaglangoyna ken Nagbalin a nasayaat ti kasasaadna.
Saan pay a nagleppas ditoy ti kampaniana ta naituding pay laeng a sumabak iti Women’s 100m Breaststroke inton Nobyembre 3 ken Women’s 50m Breaststroke inton Nobyembre 5.
-- ADVERTISEMENT --
