--Ads--
Palawaen ti Department of Health (DOH) ken PhilHealth ti serbisio ti HIV iti pagilian, pakairamanan ti HIV testing iti programa ti YAKAP ken panangsigurado iti umdas a suplay ti agas.
Mapapigsa pay ti pannakaammo iti HIV kadagiti pagadalan, opisina ken komunidad, kasta met ti panang-monitor iti panangagas ken pannakagun-od iti Pre-Exposure Prophylaxis (PrEP) ken dadduma pay a serbisio ti salun-at.
Segun ken ni Health Secretary Edwin Mercado, makontrol ti HIV babaen iti agtultuloy a panagtumar iti agas.
Kas paset dagitoy nga addang, ti PhilHealth ket nangipangato ti tinawen a sakup ti Outpatient HIV/AIDS Treatment (OHAT) package iti ₱58,500 manipud iti napalabas a ₱30,000 tapno mapalawa ti tulong kadagiti pasiente.
-- ADVERTISEMENT --
