--Ads--
Naisayangkat manen ti wedding vows ti aktres a ni Nadine Samonte ken ti asawana a ni Richard “RBoy” Chua idiay Tagaytay kagiddan ti panangrambakda iti maika-13 nga anibersaryoda.
Imbingay ni Nadine iti social media dagiti ladawan manipud iti renewal of vows-da ken ti mensahe ti panagayat para iti asawana.
Segun iti aktres, inkarina nga agtultuloy nga agbalin a pigsa ken sanggirna ti asawana uray aniaman a pannubok ti paglasatanda.
Nagyaman pay ni Richard iti panangtedna kenkuana iti napintas a biag ken ti tallo nga annakda nga inawaganna a kadakkelan a bendision iti biagda.
-- ADVERTISEMENT --
