Indagadag ni Senate President Win Gatchalian iti publiko ken kakaduana a mammanday-linteg nga urayenda ti pannakaidatag ti ebidensia ken testimonia ti depensa ni Bise Presidente Sara Duterte sakbay nga ikonsiderar ti sumaruno nga addang iti impeachment proceedings.
Impaganetget ni Gatchalian a saan pay nga indatag ti kampo ni Duterte ti ebidensia ken testimonia, isu a napateg a mangngeg nga umuna ti dasigda sakbay nga agaramid iti aniaman a konklusion.
Daytoy ket kalpasan ti panangawag ni Senador Alan Peter Cayetano kadagiti senador nga agserbi a hues a mangilaksid iti aniaman a posision a mabalin a mabakante no makombiktar ken maikkat ni Duterte iti puestona.
Namnamaen ni Gatchalian nga adu pay ti tukad a lumasat ti impeachment trial gapu iti naikeddeng a pannakaidatag ti depensa ken ti iseserrek iti national budget deliberation period, isu nga ipamaysana dagiti sumaruno a proseso.
