Pinasingkedan ni Senate President Win Gatchalian a dumar-as pay ti performance dagiti estudyante a Pilipino iti tulong dagiti programa para iti learning recovery ken dagiti reporma iti curriculum.
Daytoy ket kasaruno ti simmayaat a performance ti Pilipinas iti 2025 round ti Programme for International Student Assessment (PISA).
Dinakamat ni Gatchalian ti akem ti Academic Recovery and Accessible Learning (ARAL) Program iti panangrisut iti learning gaps.
Basar iti impact evaluation nga insayangkat ti non-profit organization a Youth Impact, kadua ti Department of Education (DepEd) ken World Bank, nakatulong ti programa tapno makissayan ti 4.5 milyon ti bilang ti struggling readers idi School Year 2025-2026.
Nakaawat ti ARAL program ti P8.9 bilyon a pondo ita a tawen, ngem awan ti nailatang para iti programa iti salinong ti 2027 National Expenditure Program (NEP).
