Kwinestyonaran ni Mamamayang Liberal (ML) party-list Leila De Lima ti P50 milyon reward nga inlatang ti Department of Interior and Local Government (DILG) para iti pannakakemmeg ni Sen. Ronald “Bato” dela Rosa.
Segun ken ni De Lima, awan ti rason tapno mangilatang pay ti kastuy a kadakkel a gatad ti DILG tapno makemmeg ni Bato gapu ta ni mismo DILG Secretary Jonvic Remulla ti nangibaga ammo da ti ayan ti senador.
Immunan nga imbutaktak ni Remulla nga aglemlemmeng ni Dela Rosa iti armado a grupo idiay Mindanao isu nga awan ti rason tapno mangilatang pay ti reward tapno matiliw ni senador Bato.
Ni Dela Rosa ket maipagarup a co-accused ni dati a Presidente Rodrigo Duterte iti kaso a crimes against humanity iti International Criminal Court (ICC) no sadino adda daytoy ti arrest warrant na.
