--Ads--
Dinadael ti Bureau of Customs–Manila International Container Port (BOC-MICP) ti lima a container ti naipuslit a sigarilio ken namaga a bulong ti tabako nga aggatad iti P179.03-M sadiay Porac, Pampanga.
Naisayangkat ti pannakadadael manipud Setiembre 30 agingga iti Oktubre 2, a pakairamanan ti uppat a container ti sigarilio ken maysa a container ti dried tobacco.
Nakumpiskar dagiti produkto gapu iti panaglabsingda iti Graphic Health Warnings Law, TRAIN Law, ken Customs Modernization and Tariff Act (CMTA).
Impaganetget ti BOC ti kinapateg ti panangdadael iti kontrabando tapno masalakniban ti salun-at ti publiko, kita ti gobierno, ken lehitimo a negosio, bayat ti panangtungpal kadagiti legal a proseso.
-- ADVERTISEMENT --
