Nagdeklarar ti nainginget a kampania kontra iti smuggling ti Bureau of Customs iti panagrugi ti maika-dua a tawen ni Commissioner Ariel F. Nepomuceno iti ahensia.
Kagiddan daytoy ti nainget a panangipatungpal iti one-strike policy kontra kadagiti mairaman nga opisial iti korapsion ken dadduma pay nga ilegal nga aramid.
Segun ken ni Nepomuceno, agtalinaed priyoridad ti BOC ti pananglaban iti smuggling ken panangdalus iti personnel da.
Pinasingkedan ti opisial nga agserbi kadagiti smuggler ti agsasaruno a pannakatiliw dagiti ilegal a sigarilyo nga aggatad ti minilyon a kuwarta kadagiti napalabas nga operasion ti ahensia.
Inallukoy ti BOC iti publiko a makipaset iti kampania kontra iti smuggling babaen iti platform nga “Isumbong Kay Commissioner”.
