Naimatangan ti Department of Environment and Natural Resources (DENR) ti innem a dugong ken lima a pawikan nga agsapsapul iti taraon iti kabaybayaan ti Kalamansig, Sultan Kudarat, bayat ti marine wildlife monitoring exercise a naisayangkat idi Oktubre 21.
Inusar ti Community Environment and Natural Resources Office (CENRO) ti Kalamansig ti drone a nangidokumento kadagiti ayup iti kabaybayan ti Poral a sakupen ti Barangay Santa Maria ken Barangay Cadiz.
Segun iti DENR-12, immadu ti bilang dagiti dugong a nairekord ita a semestre iti innem manipud iti maysa idi napalabas a semestre, a mangipakpakita iti kinapateg ti danum ti Kalamansig iti biodiversity iti baybay.
Indagadag ti ahensia iti publiko a salaknibanda dagiti dugong ken pawikan a sakupen ti Republic Act No. 9147 wenno ti Wildlife Resources Conservation and Protection Act, ken ireportda kadagiti otoridad ti aniaman a pannakakitada kadagiti animal wenno posible a panaglabsing iti linteg.
