Inkari ti Department of Budget and Management (DBM) a surotenda dagiti direktiba ti Korte Suprema mainaig kadagiti unprogrammed appropriations (UA) iti 2026 national budget, bayat nga adalen ti gobierno dagiti legal ken pinansial nga epektona.
Segun iti DBM, makikontak daytoy iti Office of the Solicitor General (OSG) ken dadduma pay nga ahensia tapno maikeddeng dagiti sumaruno nga addang, idinto nga adda pay laeng karbengan ti gobierno nga agkiddaw iti reconsideration iti korte.
Kinuna ni Budget Secretary Kim Robert De Leon nga agingga Oktubre 22 ket para laeng kadagiti foreign-aided projects ti pondo a mairuar manipud iti UA.
Manipud iti dati a P249.9-B, naibaba ti unprogrammed appropriations iti 2026 budget iti P150.9-B, nairanta para kadagiti otorisado a proyekto, programa ti gobierno iti risk management ken modernisasion ti Armed Forces of the Philippines (AFP).
