Pinasingkedan ni impeachment court presiding officer Chiz Escudero nga agtaltalinaed nga awan ti pabpaboran na iti impeachment trial ni Vice President Sara Duterte.
Binigbig na dagiti reklamo dagiti prosecutor a kasla nainget isuna iti paset-da ngem inlawlawagna nga adda iti prosekusion ti problema iti alegasion-da.
Segun ken ni Escudero, agpada a pagannurotan iti panagsaludod ken panangilanad ti ebidensia ti maipatpatungpal iti depensa.
Kabayatanna, impakaaamo ti impeachment court presiding officer a posible a malpas ti impeachment trial sakbay a malpas ti 2026.
Daytoy ket depende iti ipasango a testigo ti defense team ni Vice President Sara Duterte, no sadino umabot iti 10 a testigo ti nakailanad iti pre-trial documents ti depensa ngem mabalin latta daytoy a mabaliwan.
