--Ads--
Nasalamaan dagiti kameng ti Tagudin Animal Quarantine ti 200 a racing pigeons nga aggatad iti P60,000 manipud iti maysa a trak idiay Barangay Lacong, Tagudin, Ilocos Sur.
Nakemmeg ti drayber a maysa a lalaki, agtawen iti limapulo ket lima, ken ti helper-na nga agtawen iti tallopulo ket tallo gapu iti panaglabsingda iti Animal Quarantine Ordinance ti probinsia.
Saan a nagpaidalan iti inspeksion dagiti nasao nga indibidual agraman dagiti 200 a racing pigeons.
Addan iti kustodia ti Tagudin Animal Quarantine dagiti karaman, kasta payen ti trak ken dagiti kalapati tapno maidalan iti husto a proseso.
-- ADVERTISEMENT --
